Vida e morte dun curso

Ola! Fai moito que non che escribo! A última vez  foi... ao comezo do curso! Pero se de iso xa pasaron 9 meses! Pois comezarei a contarche o que me pasou neste ano académico, por decilo de maneira fina...

O 1º trimestre, xa sabes, foi a chegada ó instituto, con moita pereza. Éramos as mesmas persoas que en primeiro, só que algo máis maduras (A maioría...) aínda que os nenos seguen facendo eses chistes sen graza que tanto lles gustan. Aquilo, non imos mentir, era un galiñeiro, con todos os máis sinceros respectos cara as galiñas, e iso foi unha das cousas que non cambiaron moito ao longo do tempo, a verdade... os profesores, algúns eran os mesmos, pero houbo novidades, tanto boas coma malas, pero prefiro darte o nomes en persoa. Coma todos os anos, apunteime a teatro, pero esta vez a dous grupos. O de sempre e o de grecolatino. Se queres, convídoche a vir a algunha obra, a maioría son gratis. Nese trimestre, as notas fóronme bastante ben, e o curso non me parecía tan difícil, pero isto era só o principio....

No 2º "round", aínda co pastel de Nadal na boca, volta outra vez, sen gana ningunha, ó instituto (Isto de comezar cursos e trimestres non se me da ben). Todos fixemos candanseus propósitos para o trimestre, sobre todo os que suspenderan. Moitos os cumpriron, pero outros non, xa saberán eles o que fan (Parezo Risto coas críticas xD). Ao principio deste trimestre tamén pasou unha cousa moi divertida, e é que fomos á neve! Pasámolo moi ben a pesar das caídas (Falo das miñas, polo menos) e quedamos con ganas de repetir! Esta excursión descentrounos un pouco, pero demos recuperado o ritmo de contado. Pola miña parte, comezaramos as representacións teatrias de grecolatino, cun éxito notable (Ben! :D) Saquei mellores notas desta vez, aínda que era máis difícil. Íamos comezar a última volta, que era a definitiva, en breves, así que tíñamos que estar preparados.


Por fin! Despois dunhas curtas vacacións de Semana Santa, comezábamos o último trimestre! Iso non quere dicir que o empezara con máis ganas ca os anteriores, pero sí estaba máis animada. Iso sí, o curso púxose difícil de verdade, sobre todo en C. Naturales, con física, que non entendía nin papa (Aaaah!!!) O resto de asignaturas, bastante ben, xa rematando teatro, pero o ano que ven máis e mellor! Canta máis xente haxa, maís divertido é!  (Hai que facer algo de publicidade)